Kumm her zu mir und zier di net

I wart auf di schon jahrelang.

Brauchst di net fiachten, werd‘ net bled.

Sei froh, dass’s g’sund warst und ned krank!

Grad no bist umanda g’hupft,

hast a G‘sangl pfiffen.

Oba jetzt schaust aus wia g’rupft,

dei G’sicht is ganz verkniffen.

Dei Halluluja nutz da nix.

Der was des hean sollt, heat des nie.

Kumm, mir fahrn jetzt iban Styx,

ans andre Ufer, visavis.

Kumm scho mit mir und friß de Krot.

I bins ja nur, dei Tod.